Një aksident i rëndë ka ndodhur sonte në autostradën “Ibrahim Rugova” në afërsi të Prizrenit.
Aksidenti është shkaktuar si pasojë e garave në në autostradën “Ibrahim Rugova”, afër Prizrenit. Njëra nga veturat ka goditur disa persona të cilët po qëndronin pranë autostradës dhe ishin duke e ndjekur garën në momentin kritik.
Janë publikuar pamje nga momenti i aksidentit, të cilat janë xhiruar nga një prej personave që po e përcjellin nga afër garën dhe kanë kapur momentin e tmerrshëm që për tre tjerë ishte fatal. (KUJDES: Pamjet në videon e mëposhtme janë shqetësuese).
View this post on Instagram
Tre persona kanë humbur jetën tragjkisht në një aksident trafiku sonte në autostradën “Ibrahim Rugova” në Prizren.
Viktimat e këtij aksidenti janë: Lordi Syla, Molos Delija dhe Nue Bibaj.
Ndërsa Indeksonline raporton se aksidenti ka ardhur si pasojë e garave në mes dy veturave të tipit Golf qe kanë humbur kontrollin dhe njëra nga to ka goditur kalimtarët pranë autostradës të cilët besohet se ishin duke ndjekur nga afër këto gara. Vdekja e tyre është konfirmuar në QKMF e Prizrenit, ndërsa tre persona janë të lënduar nga ky aksident i rëndë tragjik.
