Një grua 33-vjeçare dhe nënë e tre fëmijëve, Victoria Hart, u vra në shtëpinë e saj në një periferi të Malagës, Spanjë. Viktima u gjet e pajetë nga një fqinj, ndërsa pranë saj ishte një thikë kuzhine, që dyshohet se është përdorur për krimin.
Ngjarja u bë e ditur kur dy fëmijët e saj, një djalë dhe dy binjake, dolën në rrugë të alarmuar për t’i treguar fqinjëve. Viktoria kishte jetuar pak muaj në Spanjë pasi ishte zhvendosur nga Britania dhe kishte hapur një biznes si estetiste dhe berber. Sipas raportimeve, ajo kishte sapo ndarë rrugët me ish-partnerin e saj, me të cilin kishte pasur tensione kohët e fundit.
Policia lokale arrestoi ish-partnerin e saj si të dyshuar për vrasjen. Nuk është bërë e qartë nëse krimi ka ndodhur para syve të fëmijëve. Viktima ishte regjistruar gjithashtu në platformën VioGen, një sistem spanjoll për mbrojtjen e grave nga dhuna në familje.
Ngjarja shkaktoi tronditje në komunitet, me miq dhe fqinj që shprehën dhimbjen dhe solidaritetin e tyre në rrjetet sociale, duke e përshkruar si një nënë të mrekullueshme dhe një person të shkëlqyer. Bashkia e Alhaurin el Grande shpalli një ditë zie dhe dënoi publikisht aktin e dhunës së bazuar në gjini.
Sipas raportimeve, një autopsi e viktimës pritet të kryhet së shpejti, ndërsa i dyshuari do të paraqitet në gjykatë, ku mund të mbahet në paraburgim në pritje të hetimeve të mëtejshme. Lokale dhe organizata të ndryshme planifikojnë gjithashtu protesta kundër dhunës dhe pasigurisë në zonë./vizionplus.tv
