Një aksident i rëndë rrugor ka ndodhur sot në Antalya. Një autobus pasagjerësh i linjës Tekirdağ–Antalya, i kompanisë Buzlu, me targa 26 ABG 022, doli nga rruga dhe u përmbys në një kanal (sharapol) në Döşemealtı, në kryqëzimin Kömürler, rreth orës 10:20.
Sipas autoriteteve, 9 persona kanë humbur jetën dhe 26 janë plagosur. Në vendngjarje u dërguan ekipe të shumta të shëndetësisë, zjarrfikësve, AFAD-it, xhandarmërisë dhe policisë.
Guvernatori: Autobusi duket se po lëvizte me shpejtësi
Guvernatori i Antalyas, Hulusi Şahin, deklaroi se autobusi ishte nisur mbrëmë nga Tekirdağı dhe sot paradite, në kushtet e rrugës së lagësht dhe mjegullës, nuk e mori dot kthesën. “Nuk është vend për shpejtësi, por duket se autobusi ishte me shpejtësi,” tha ai, duke shtuar se shkaqet e sakta do të përcaktohen pas ekspertizës teknike.
Në një përditësim nga Spitali i Edukimit dhe Kërkimit në Antalya, Şahin njoftoi se shoferi i autobusit, İzzet Karaağaç, vdiq pavarësisht ndërhyrjeve mjekësore, duke e çuar numrin e viktimave në nëntë. Nga 26 të plagosurit, 7 janë në gjendje të rëndë (kod i kuq). Dy pacientë kanë pësuar amputime (një këmbë dhe një krah) dhe po transferohen në Universitetin Akdeniz, ku ekipet janë gati për ndërhyrje urgjente rikonstruktive.
Hetim penal
Ministri i Drejtësisë, Yılmaz Tunç, njoftoi se Prokuroria e Antalyas ka nisur hetim penal, duke caktuar një zëvendësprokuror dhe dy prokurorë për çështjen.
Hetimet vijojnë për të sqaruar plotësisht rrethanat e aksidentit.
Antalya’da otobüs devrildi: En az 8 kişi öldü, 26 kişi yaralandı
Tekirdağ’dan Antalya’ya gitmek üzere yola çıkan yolcu otobüsü, sürücüsünün kontrolünden çıkması sebebiyle devrildi. Kazada çok sayıda yaralının olduğu öğrenildi.
Tekirdağ’dan Antalya’ya gelen Buzlu Turizm’e ait 26… pic.twitter.com/CCqO8RyL7T
— Haber Filesi (@haberfilesi) February 1, 2026
