Përfundon faza e parë e rekonstruimit të rrugës Merovë–Sallarevë
Në Komunën e Zhelinës është promovuar përfundimi i fazës së parë të Projektit për Rekonstruksionin e Rrugës për në fshatrat Merovë–Sallarevë, një nga projektet më të rëndësishme infrastrukturore për zhvillimin e kësaj komune.
Në promovim morën pjesë edhe zëvendësministrja e Transportit dhe Lidhjeve, Kaltrina Zekolli Shaqiri, si dhe përfaqësues të Komunës së Zhelinës.
Projekti financohet nga Ministria e Transportit, përmes mjeteve të siguruara nga Komuna e Zhelinës, dhe synon përmirësimin e infrastrukturës rrugore në vendbanimet rurale.
Bëhet fjalë për një investim me gjatësi prej afro 3 kilometrash, me gjerësi asfalti prej 5 metrash, ndërsa bashkë me bankinat rruga arrin gjerësinë prej 6 metrash. Sipas të dhënave të prezantuara, në total janë asfaltuar rreth 13 mijë metra katrorë sipërfaqe.
Banorët e Merovës dhe Sallarevës për vite me radhë kanë pritur investime serioze infrastrukturore, ndërsa realizimi i këtij projekti vlerësohet si hap i rëndësishëm për përmirësimin e kushteve të jetesës dhe qarkullimit në këtë zonë.
Nga Komuna e Zhelinës theksuan se zhvillimi nuk duhet të përqendrohet vetëm në qendër, por duhet të shtrihet në çdo vendbanim, lagje dhe shtëpi, me qëllim krijimin e një komune më moderne, me rrugë të rregulluara dhe standard më të lartë jetese.
Postimi i plotë i kryetarit të Komunës së Zhelinës, Blerim Sejdiut:
