Vrapçisht: Arrestohet 28-vjeçari pas bastisjes, gjenden marihuanë dhe kokainë
Më 9 tetor 2026, nga ora 20:40 deri në orën 21:50, zyrtarët policorë të Njësisë Mobile “Task Force”, Zyrës së Jashtme për Çështje Kriminalistike Gostivar dhe Stacionit Policor Gallatë kanë kryer bastisje në një shtëpi dhe në ambientet ndihmëse në Vrapçisht, me urdhër gjyqësor.
Gjatë bastisjes janë gjetur dhe konfiskuar një paketim me marihuanë, një epruvetë me letër alumini me kokainë, si dhe një qese tjetër me kokainë.
Policia ka arrestuar M.A. (28) nga Vrapçishti. Pas dokumentimit të plotë të rastit, ndaj tij do të parashtrohet kallëzimi përkatës./SPB Tetovë
Reçicë e Madhe: Denoncohet sulm ndaj një 17-vjeçari nga tre persona para shkollës
Më 9 tetor, në orën 20:00, në SPB Tetovë, J.Xh. (55) nga Reçica e Madhe ka denoncuar se rreth orës 17:50, pas përfundimit të mësimit, djali i tij 17-vjeçar është sulmuar fizikisht para shkollës në fshat.
Sipas denoncimit, sulmi është kryer nga tre persona të panjohur, të moshës rreth 18–19 vjeç.
Të miturit i është dhënë ndihmë mjekësore në Spitalin Klinik të Tetovës. Policia po ndërmerr masa për identifikimin e personave të përfshirë dhe zbardhjen e rastit./SPB Tetovë
Sellcë: Denoncohet sulm ndaj një 16-vjeçari teksa kulloste bagëtinë
Më 9 tetor, në orën 17:00, në SPB Tetovë, Z.Z. (60) nga Sellca ka denoncuar se rreth orës 15:30, në të njëjtin fshat, nipi i tij 16-vjeçar është sulmuar fizikisht teksa kulloste bagëtinë.
Sipas denoncimit, sulmi është kryer nga një person i panjohur, i moshës rreth 30 vjeç.
Të miturit i është dhënë ndihmë mjekësore në Tetovë. Policia po ndërmerr masa për identifikimin dhe gjetjen e personit të denoncuar./SPB Tetovë
Zhilcë: Merret një “Fiat Tempra” me çelësat në bravë, policia e gjen në Tetovë
Më 9 tetor, në orën 06:50, Z.S. (58) nga Zhilca ka denoncuar se gjatë natës i ishte marrë automjeti “Fiat Tempra” me targa të Tetovës, i cili ndodhej para shtëpisë së tij me çelësat në bravë.
Pas masave të ndërmarra, në orën 10:05, zyrtarët policorë e kanë gjetur automjetin të parkuar në rrugën “Mirçe Acev” në Tetovë.
Pas këqyrjes së vendngjarjes, automjeti i është kthyer pronarit. Policia po ndërmerr masa për zbardhjen e rastit./SPB Tetovë
Në rrugën Kamjan–Jellovjan arrestohet 21-vjeçari nga Përshevca, i gjendet marihuanë
Më 9 tetor, në orën 15:25, në rrugën lokale Kamjan–Jellovjan, zyrtarët policorë të Stacionit Policor Kamjan kanë arrestuar I.J. (21) nga Përshevca.
Gjatë kontrollit ndaj tij është gjetur dhe konfiskuar një qese najloni me marihuanë.
Pas dokumentimit të plotë të rastit, ndaj tij do të parashtrohet kallëzimi përkatës./SPB Tetovë
Bërvenicë: 38-vjeçarja denoncon motrën për sulm fizik gjatë vizitës te nëna
Më 9 tetor, në orën 21:50, në SPB Tetovë, M.Z. (38) nga Tetova ka denoncuar se po atë ditë, gjatë një vizite te nëna e saj në Bërvenicë, është sulmuar fizikisht nga motra e saj, N.N.
Sipas denoncimit, sulmit i kishte paraprirë një mosmarrëveshje verbale.
Policia po ndërmerr masa për zbardhjen dhe dokumentimin e rastit./SPB Tetovë
