Një snowboardist rus i shpëtoi për mrekulli një situate tejet të rrezikshme, pasi gjatë zbritjes në një resort skish në Prijskovoje, në Republikën e Hakasisë në Siberinë jugore, u mbulua plotësisht nga dëbora.
Burri nuk mundi të dilte vetë nga masa e dëborës, ndërsa persona që ndodheshin pranë tij reaguan menjëherë dhe nisën ta nxirrnin.
Në pamjet e publikuara shihet një grup njerëzish duke gërmuar me lopata dhe me duar, derisa arrijnë fillimisht te koka dhe fytyra e snowboardistit.
Pas disa çastesh tensioni, ai nxirret nga dëbora me helmetën dhe syzet ende në kokë. Kur bëhet e qartë se është i vetëdijshëm dhe në gjendje të mirë, atmosfera ndryshon menjëherë dhe të pranishmit reagojnë me lehtësim.
Një nga gratë që filmonte momentin e shpëtimit dëgjohet duke thënë:
“Mirë se u ktheve në këtë jetë! Çfarë do t’i themi vdekjes? Jo sot!”
Snowboardisti më pas shihet duke buzëqeshur dhe duke bërë një gjest me dorë, ndërsa personat që e nxorën festojnë përfundimin e suksesshëm të operacionit spontan të shpëtimit.
Sipas raportimeve nga Rusia, ndërhyrja e personave që ndodheshin në vend ishte e mjaftueshme dhe nuk u desh ndërhyrja e ekipeve profesionale të shpëtimit.
Pamjet dramatike të momentit tregojnë edhe një herë se sa shpejt mund të shndërrohet një zbritje në dëborë të thellë në një situatë kërcënuese për jetën.
“What Do We Say to Death? Not Today!” – Dramatic Rescue of Snowboarder Buried in Snow in Russia
A Russian snowboarder narrowly escaped death after being completely buried in deep snow at a ski resort in Khakassia, southern Siberia, Russia.
#Snowboarder #SnowRescue https://t.co/2LEdnsSPoD
— Tetova News (@TetovaNews1) November 9, 2026
