Vitin e kaluar në Maqedoni u kurorëzuan 13.781 çifte, ndërsa u regjistruan 1.994 shkurorëzime, bën të ditur Enti Shtetëror për Statistika (ESHS).
Nga të gjitha kurorëzimet, 93,1% ishin për herë të parë për meshkujt, dhe 91,4% për herë të parë për femrat.
Në kurorëzim të dytë hyjnë 7,9% e kurorëzimeve, kurse në të tretin hyjnë 0,7%.
Më shumë femra të moshës 20 deri 24 vjeçare u kurorëzuan vjet, nga numri i përgjithshëm, kurse te meshkujt mosha ishte 25-29 vjeç.
Nga shkurorëzimet, më pak kanë ndodhur në muajin gusht, e më shumë në dhjetor. Numri i përgjithshëm është rritur për 0,5% në vitin 2017, krahasuar me vitin 2016.
Grupmoshat 30 deri 34 vjet janë shkurorëzuar më shumë.
