Ballina Aktualitet Lajme Mazhoranca dhe opozita bashkojnë votat, kalojnë një sërë ligjesh

Mazhoranca dhe opozita bashkojnë votat, kalojnë një sërë ligjesh

Pas koordinimit disa mujorë mes shumicës dhe opozitës, një serë ligjesh dhe vendime sot kaluan pa asnjë pengesë në Parlamentin e Republikës së Maqedonisë. Me shumicë votash, Kuvendi i Republikës së Maqedonisë i dha dritë jeshile Propozim-vendimit për shpalljen e konkursit publik për zgjedhjen e drejtorit të Agjencisë Teknike Operative. I njëjti do të duhet të ketë së paku 240 kredi dhe të ketë së paku 10 vjet përvojë punë në profesionin e tij. Ligji parasheh që emërimi i drejtorit të ATO-së,të bëhet me 2/3 e votave nga numri i përgjithshëm i deputetëve.

Mazhorancën dhe opozitën i bashkoi edhe ndryshimi në Kodin Zgjedhorë. Ata u dakorduan dhe votuan së bashku për mandat 6 mujorë të 7 anëtarëve të KSHZ-së. Nga 7 anëtarë, nënkryetari dhe 3 anëtarë do të propozohen nga shumica parlamentare ndërsa kryetarin e KSHZ-së dhe dy anëtarë i propozon opozita. Mandati i tyre do të jetë 6 mujorë deri në momentin sa nuk përpilohen dhe miratohen reformat ose paketa ligjore që ka të bëj me Kodin Zgjedhor.

Të gjithë deputetët së bashku, gjithashtu mbështetën edhe propozim-ligjin për ndryshime dhe plotësime të ligjit për çmime shtetërore, me të cilin do të fillojnë të ndajnë çmime shtetërore për 22 nëntor, që ndryshe njihet si dita e alfabetit.

Kjo ditë është festë për komunitetin shqiptarë në Republikën e Maqedonisë, është një nga datat më të shënuara të kombit shqiptarë dhe unë falënderojmë deputetët të cilët i dhanë mbështetje kësaj nisme e cila rrjedh nga programi ynë zgjedhor. Ftoj edhe opozitën në Kuvendin e RM-së që ti japim përkrahje kësaj nisme, me të cilën në fakt do të japim çmime shtetërore për arritje në kohezionin shoqërorë dhe në marrëdhëniet ndëretnike në tolerancën mes qytetarëve -deklaroi Artan Grubi – Deputet i BDI-së.

Artikulli paraprakSOPOTASIT I KËRKOJNË SHTETIT 2,5 MILIONË EURO DËMSHPËRBLIM
Artikulli tjetërKujdes: Simptomat e hershme të kancerit që nuk duhet injoruar