Ballina Aktualitet Lajme ASH: ALFAT SHKELIN FËMIJË NË VEND QË T’I MBROJNË

ASH: ALFAT SHKELIN FËMIJË NË VEND QË T’I MBROJNË

Nga Aleanca për Shqiptarët dega në Kumanovë kanë reaguar dhe dënuar ashpër aksidentin e djeshëm me ç’rast vetura e njësitit policor Alfa ka aksidentuar një fëmijë duke rrezikuar jetën e tij dhe duke e lënë me lëndime të rënda.

Po ashtu nga ASH thonë se ajo që e bën këtë rast akoma më skandaloz është fakti që policia, përveç që ka lënduar një fëmijë 5 vjeçar, nuk e kanë pa të arsyeshme që të ndalen dhe ti japin ndihmë fëmijës së lënduar.

Ndërsa gjithashtu kanë pyetur publikisht zyrtarët policorë të Kumanovës, ministrin Oliver Spasovski si dhe zv. mnistrin e BDI-së Agim Nuhiu se cili është misioni i tyre i policisë dhe njësive policore ALFA: siguria e qytetarëve apo cenimi dhe rrezikimi i jetës së tyre?!

“Aleanca për Shqiptarët Kumanovë kërkon me urgjencë ndërmarrjen e të gjitha masave të parapara me ligj nga ana e institucioneve kompetente si dhe vënien para përgjegjësisë dhe drejtësisë të pjesëtarëve të njësitit policor Alfa, që sot lënduan një fëmijë 5 vjeçar, ndërsa nesër mund të shkaktojnë incidente që mund të mbarojnë fatkeqësisht.Aleanca për Shqiptarët djaloshit të vogël i uron shërim të shpejtë dhe shpreson që ky të jetë rasti i fundit ku qytetarët rrezikohen nga institucionet dhe zyrtarët shtetëror që duhet të vendosin rendin dhe janë të obliguar ti mbrojnë ato!”.

Artikulli paraprakHOLANDA NDALON MBULESËN NË NDËRTESAT PUBLIKE
Artikulli tjetërVAZHDOJNË KËRKIMET NË DITËN E KATËRT PËR GJETJEN E PERSONIT TË ZHDUKUR NË KOSOVË