Zgjidhni Tetova News si burim të preferuar në Google!
Zgjidh Tetova News në Google →
Çifti i njohur Mimoza Shkodra dhe Seldi Qalliu kanë publikuar projektin e tyre më të ri muzikor.
“Sa kujtime” mban titullin kënga e tyre më e re, e cila është ritmike dhe e përshtatshme për stinën e verës.
Muzika është punuar nga Anxhelo Koçi, orkestrimi është realizuar nga Alsked Rrenja, gjersa për tekstin janë kujdesur vet çifti.
Kënga është shoqëruar edhe me klip, i cili i sjell dyshen mjaft të dashuruar dhe në skena të ëmbla me njëri-tjetrin.
Ana vizuale e projektit i është besuar produksionit Usher.
Ndryshe, ata janë shumë aktivë në muzikë me projekte të reja muzikore, gjersa janë të angazhuar edhe me koncerte të shumta.
Ka tash e një vit që ata janë bashkë, ndërsa janë shndërruar në një prej çifteve më të dashur për publikun shqiptar.
