Ballina Lajme POROJ, POLICIA KA GJETUR MINAHEDHËS NË NJË FUSHË

POROJ, POLICIA KA GJETUR MINAHEDHËS NË NJË FUSHË

Policia në një fushë në fshatin Poroj të Tetovës ka gjetur minahedhës të kalibrit 60 milimetra me 18 granata dhe hedhës dore RPG-7 me 5 raketa të cilat ishin të vendosura në gjashtë thasë.

Nga Ministria e Punëve të Brendshme njoftojnë se arma është gjetur nga ana e nënpunësve policorë gjysmë ore pas mesnate kur kanë kryer kontroll në fushën e mbjellë me misër në afërsi të fshatit Poroj.

Është kryer ekspertizë e plotë me pjesëmarrjen e prokurorit publik, arma është marrë për procedurë të mëtejshme nga pjesëtarët e Njësitit për antiterrorizëm të Ministrisë të Punëve të Brendshme të Republikës së Maqedonisë. Bëhet fjalë për armë të vjetër të papërdorur e cila do të asgjësohet në procedurë përkatëse, përfundojnë nga MPB-ja.