Pas hënës artificiale, Kina zhvillon Diellin artificial dhe është më i nxehtë se “Dielli i vërtetë”. Kina ka krijuar një “diell artificial” që digjet në 100 milionë gradë Celsius – më shumë se gjashtë herë më i nxehtë se origjinali.
Një ekip shkencëtarësh nga Instituti i Fizikës së Plasma të Kinës njoftoi këtë javë se plazma në “Experimental Advanced Superconducting Tokamak (EAST)” kishte arritur temperaturën e jashtëzakonshme.
Përveç faktit i të qenit mbresëlënës, suksesi i EAST-it është një hap i rëndësishëm për programin e bashkimit bërthamor të Kinës.
Profesori i asociuar Matthew Hole nga Universiteti Kombëtar Australian shprehu për ABC News arritjen dhe rëndësinë e tij.
“Përfitimi është i thjeshtë pasi që është një prodhim i vazhdueshëm i energjisë në shkallë të gjerë, me zero emetime të gazeve serrë dhe pa mbeturina radioaktive afatgjata”.
Ekipi hulumtues përgjegjës për EAST thotë se arriti këtë moment historik nëpërmjet përdorimit të teknikave të ndryshme të reja në ngrohjen dhe kontrollin e plazmës, por ishin në gjendje të ruanin temperatura rekorde për rreth 10 sekonda.
Dr Hole gjithashtu shtoi se reaktorët e shkrirjes bërthamore shmangin rreziqet që lidheshin me reaktorët e tanishëm të bërthamës bërthamore, të cilat mund të përshtateshin në armë të rrezikshme dhe të ishin të prirura për shkrirjen e mundshme me rezultate katastrofike.
Për ta vënë atë në perspektivë, dielli natyror aktual ka një temperaturë bazë prej afërsisht 15 milionë gradë Celsius – duke e bërë versionin artificial rreth gjashtë herë më të nxehtë.
Ekspertët besojnë se dielli artificial i sapoformuar i Kinës së shpejti do të dalë si një burim i lirë dhe i pastër i energjisë duke përdorur bashkimin bërthamor.
Në procesin e bashkimit bërthamor, dy atome hidrogjeni do të kombinohen së bashku dhe do të prodhojnë një rrymë energjie të pastër, raporton SCAN.
Ekspertët argumentojnë se energjia e prodhuar përmes kësaj metode mund të jetë zgjidhja për nevojat e energjisë pasi burimet natyrore jo të ripërtërishme të energjisë po pakësohen dita ditës.
Përveç kësaj, bashkimi nuklear nuk prodhon asnjë mbetje radioaktive, prandaj është “jashtëzakonisht miqësore me mjedisin”, u shprehën hulumtuesit në një deklaratë të lëshuar së fundmi.
