Ballina Aktualitet Zaev: Franca nuk është kundër nesh, presim vendim pozitiv

Zaev: Franca nuk është kundër nesh, presim vendim pozitiv

Kryeministri Zoran Zaev mbetet optimist për marrjen e vendimit pozitiv nga Këshilli evropian për datë për negociata dhe beson se më 17 dhe 18 tetor do të ketë marrëveshje përfundimtare.

“Mbetem optimist për arsye se i kemi të gjitha argumentet e botës të marrim vendim pozitiv nga Këshilli evropian. Nuk dëshiroj as të mendoj se a do të marrim datë. Pesëmbëdhjetë vite presim, sollëm vendime të mëdha, reforma, marrëveshjet janë përfunduar 100 për qind, me të vërtetë jemi shembull për tërë rajonin. BE-ja nuk guxon të lejojë ta dënojë më të mirin në kontinentin evropian sepse kjo është me rëndësi për BE-në, për rajonin, për motivimin e ardhshëm të liderëve të cilët duhet të gjejnë zgjidhje dhe t’i reformojnë shoqëritë e tyre. Mendoj se hapërojmë në drejtim të vërtetë dhe se me vendimet e BE-së do të konfirmohen pritjet tona”, deklaroi Zaev, duke u përgjigjur në pyetje të gazetarëve pas konferencës së sotme me rastin e Ditës ndërkombëtare për luftë kundër varfërisë.

Duke e komentuar takimin e mbrëmshëm të kancelares gjermane Angela Merkel dhe presidentin francez, Emanuel Makron, Zaev tha se beson që do të ketë konkludim të përbashkët dhe se do të mbisundojë përgjegjësia nga ana e BE-së para Këshillit evropian të sillet vendimi i shumëpritur për fillim të negociatave.

“Gjithsesi, bëhet fjalë vetëm për dy liderë nga të gjitha 28 vendet anëtare. Nesër fillojnë takimet e Këshillit të ministrave dhe do t’i dimë më konkretisht hapat, por besoj se më 17 dhe 18 do të sillen vendimet konkrete për ne”, tha kryeministri.

Për qëndrimin e Francës, Zaev thotë se Parisi nuk është kundër nesh, por ka qëllim shumë legjitim për të sendërtuar metodologji të re.

“Kjo do të japë mundësi të gjitha kapacitetet të lëvizin në mënyrë akoma më serioze dhe të fuqishme me metodë reversibile – nëse nuk arrijnë t’i kthejnë prapa. Për shembull nëse kapitulli i tretë është liria e mediumeve, nëse arrini ta mbyllni në vitin e parë apo të dytë, ndërkaq duke negociuar në të tretin apo të katërtin e shkelni lirinë e mediumeve, të ju kthejë prapa. Kjo do të thotë se vendet të cilat negociojnë duhet të kenë arritur kapituj të qëndrueshëm, politika të rrumbullakësuara, të cilat do të thonë transformime të qëndrueshme të shoqërive. Ky është debati që po zhvillohet. Kjo mundet edhe më tutje të zhvillohet dhe të avancohet në mënyrë metodologjike, ndërkaq ne t’i hapim kapitujt dhe të negociojmë. Prej këtu i kam pritjet e MEDIAL pozitive sepse njëra me tjetrën nuk kundërshtohen dhe mund vetëm të komplementohen”, theksoi Zaev.

I pyetur për ligjin për PP-në për të cilin ende nuk ka marrëveshje me opozitën, Zaev konsideron se mosmiratimi i tij nuk do të ndikojë në vendimin e Këshillit të Evropës për negociata.

@tn.lajmelokale
@tetovanews