Kërçovë – I jepet lamtumira e fundit veprimtarit nga diaspora, H. Nazim Xhaferit (VIDEO)

I është dhënë lamtumira e fundit aktivistit të shquar të jetës fetare në Zvicër dhe më gjerë, H. Nazim Xhaferit.

Në ceremoninë  m o r t o r e  kanë marrë pjesë shumë njerëz nga të gjitha viset shqiptare dhe diaspora, ndërsa fjalën kryesore e ka mbajtur Reisul Ulema H. Hfz. Shaqir ef. Fetai.

Fjala e Reisul Ulema H. Hfz. Shaqir ef. Fetai në përcjelljen e merhumit, aktivistit të shquar të jetës fetare në Zvicër dhe më gjerë, H. Nazim Xhaferi, për në botën tjetër:

VIDEO

https://youtu.be/Talzi16f1c0

O.H.Kalliri i Mirësisë – dega në Kërçovë me letër  n g u sh ë ll i m i  për  v d e k j e n  e haxhi Nazim Xhaferit

Deri te
• Kryesia e Xhamia Regensdorf – Zvicër
• Imami Mr.Ferit Zeqiri
• Familja e Haxhi Nazim Xhaferi

Letër ngushëllimi
Me dhimbje të madhe pranuam lajmin për ndarjen fizike nga jeta e kësaj bote të veprimtarit, bashkëpunëtorit dhe njeriut me shpirt human Haxhi Nazim Xhaferi.

OH “Kalliri i Mirësisë” – dega Kërçovë shpreh ngushllime më të sinqerta për të ndjerin dhe lusim Zotin e Madh ta mëshirojë dhe ta shpërblejë me xhennet.

Puna, vepra dhe mirësjellja e Nazimit do të mbesë shembull për shumë gjenerata që do vijnë pas.
Ishte mirësi e madhe për të gjithë ne që e njohëm, e kishim mik dhe bashkëpunuam me të.

All-llahu i plotfuqishëm ua shtoftë durimin familjes, shoqërisë dhe të gjithë miqve!
4.2.2021

Kryetar,
Muhamed Mehmedi

Nga: KRYESIA E BASHKËSISË ISLAME E REPUBLIKËS SË KOSOVËS

Për: KRYESINË E XHAMISË NË REGENSDORF – ZVICËR
Imamin FERID ef. ZEKIRI
Lënda: TELEGRAM NGUSHËLLIMI

“Ne jemi të Allahut dhe tek Ai do të kthehemi”
Selamun alejkum ve Rahmetullah,

Me dhimbje të thellë morëm lajmin për kalimin në ahiret të aktivistit të madh të mërgatës tonë në Zvicër, z. Nazim Xhaferi.
Me këtë rast më lejoni që në emër të Kryesisë së Bashkësisë Islame të Republikës së Kosovës, organeve dhe institucioneve të saja të shpreh ngushëllimet tona familjes Xhaferi, si dhe Kryesisë së xhamisë e xhematit të Regensdorfit në Zvicër.

Lusim Allahun e Plotfuqishëm që rahmetliun ta shpërblej me të mirat e Tij të pakufishme në xhenet, ndërsa familjes , miqve e farefisit ti falë durim.

Me respekt,
Myftiu Naim ef. Tërnava