Aktivisti i EcoGuerilla, Arianit Xhaferi përmes një postimi në facebook sërish ka drejtuar akuza të ashpra në adresë të komunës së Tetovës për keqpërdorime.
“Derisa zjarrfikësit dhe punëtorët e NPK-së mbeten me muaj pa rroga e pa beneficione, Komuna e Tetovës i paguan nga 5,000€ në muaj avokatit nga Shkupi. Çfarë k r i m i duhet të kesh bërë të paguash 5,000€ në muaj për avokat?
Për çka marrin rroga gjithë ato juristë në Komunë? Pse ka nevojë edhe për avokat nga Shkupi? A s’ka Tetova avokatë…”, ka shkruar Xhaferi. Nga komuna e Tetovës deri tani nuk kanë sqaruar se përse është nevoja për një avokat të tillë që paguhet me shuma të majme. (INA)
