Nëpërmjet një statusi në Facebook për tragjedinë e Tetovës ka reagur edhe ish kryeminstri Nikolla Gruevski, shkruna Nmk-post.
Ai fillimisht u shpreh ngushllime familjarëve ndërsa nga institucionet kërkon hetim të pavarur.
Ja reagimi i plotë i Gruevskit:
“Unë shpreh ngushëllimet e mia të thella dhe të sinqerta për familjet e atyre që u humbën jetën në tragjedinë e mbrëmshme në Spitalin Kovid në Tetovë. Humbja e të dashurve në familje është e pariparueshme dhe nuk ka fjalë të mjaftueshme ngushëllimi.
Dhimbja është më e madhe kur mendoni për rrethanat në të cilat të dashurit e tyre humbën jetën në një mënyrë shumë të dhimbshme pikërisht aty ku ata prisnin të shpëtoheshin. Eshte një tragjedi e vërtetë që këta njerëz prej vitesh kanë lënë një pjesë të të ardhurave të tyre për sigurimin shëndetësor dhe gjithçka që do të thotë siguri e jetës së tyre kur të vijnë kohë të vështira, dhe tani, për shkak të pakujdesisë dhe papërgjegjshmërisë së dikujt, ata janë djegur në flakë.
Duhet të ketë përgjegjësi, hetim të pavarur dhe procedurë të përgjithshme. Pyetjet rreth papërgjegjshmërisë së përhapur që prodhon kaq shpesh skandale dhe tragjedi, për injorancën, joprofesionalizmin dhe sundimin e mediokrit mbi më të përparuarit në shoqëri janë tema për diskutim më të gjerë dhe shkak për ndryshime të thella në shoqëri, por sot nuk është koha për këtë dite e trishte”, ka shkruar ish kryeministri Gruevski.
