Një ndërprerje e madhe e energjisë elektrike ka goditur sot rajonin e Moskës, pasi sipas raportimeve janë dëgjuar zhurma që ngjanin me dronë. Probleme me furnizimin me energji janë raportuar edhe në Melitopol, qytet i pushtuar, sipas agjencisë ukrainase të lajmeve UNN, e cila i referohet burimeve ruse në Telegram, transmeton Tetova News.
Në rrjetet sociale po qarkullojnë informacione se mbi gjysmë milioni konsumatorë kanë mbetur pa energji elektrike, megjithëse këto të dhëna nuk janë konfirmuar zyrtarisht.
Sipas raportimeve, ndërprerjes masive të energjisë i kanë paraprirë zhurma të forta që dyshohet se kanë ardhur nga mjete ajrore pa pilot.
⚡❌️Some more footage from the Moscow region (RF) tonight. According to local media, in Ramenskoye, a massive power outage occurred due to a burnt transformer at the “Donino” power supply center. However, there is a drone warning for the region; so far, 3 drones have been… pic.twitter.com/sgpbNnDWZp
— LX (@LXSummer1) December 30, 2025
“Shkëputje automatike në nënstacionin e tensionit të lartë”
Kompania Rosseti, distributori më i madh i energjisë elektrike në Rusi, njoftoi se në pjesën juglindore të rajonit të Moskës ka ndodhur një ndërprerje e furnizimit për një pjesë të konsumatorëve, si pasojë e një shkëputjeje automatike në një nënstacion 110 kV.
Në njoftim thuhet se furnizimi me energji elektrike është rikthyer për rreth një të tretën e familjeve të prekura. Megjithatë, nuk është bërë e ditur se çfarë e ka shkaktuar konkretisht ndërprerjen në nënstacion.
Autoritetet nuk kanë dhënë ende informacione të detajuara mbi shkakun e saktë të incidentit, ndërsa situata vazhdon të monitorohet.
