Gazetari nga Maqedonia Afrim Tanallari, në kombinim për ministër në qeverinë Rama

Në kuadër të përcaktimit për të hapur qeverinë për kuadro nga të gjitha trojet shqiptare, në listën e kryeministrit Edi Rama, ka qenë edhe një gazetar nga Shkupi. Burime pranë qeverisë shqiptare thonë se bëhet fjalë për gazetarin e programit në gjuhën shqipe pranë Radiotelevizionit shtetëror të Maqedonisë, Afrim Tanallari. Ai vjen nga Shkupi, kurse ka qenë kandidat serioz për të marrë një post ministror në qeverinë e riformatuar shqiptare.

Ende nuk është e qartë pse Tanallari ka dalë jashtë kombinimit në moment të fundit, mirëpo lidhjet e tij me kryeministrin Rama edhe më tutje mbeten mjaft të afërta, sikurse edhe deri më tani.