Presidenti Donald Trump të martën tha se ishte “një gjë e mirë” që drejtori i Qendrës Kombëtare Kundër Terrorizmit, Joe Kent, dha dorëheqje pasi pretendoi se Irani nuk paraqiste “asnjë kërcënim të menjëhershëm”.
Trump po zhvillonte një takim dypalësh me kryeministrin e Irlandës në Zyrën Ovale në Shtëpinë e Bardhë, kur një gazetar e pyeti për dorëheqjen e Kentit.
“Gjithmonë kam menduar se ishte djalë i mirë, por gjithmonë kam menduar se ishte i dobët për sigurinë, shumë i dobët për sigurinë”, tha Trump. “Nuk e njihja mirë, por mendoja se dukej si një njeri mjaft i mirë. Por kur lexova deklaratën e tij, kuptova se është mirë që është larguar, sepse ai tha se Irani nuk ishte kërcënim. Irani ishte kërcënim. Çdo vend e kuptoi se çfarë kërcënimi ishte Irani. Pyetja është nëse ata donin apo jo të bënin diçka për këtë.”
Kent njoftoi dorëheqjen e tij më herët gjatë së martës, duke shkruar se, megjithëse mbështet vlerat e presidentit dhe politikat e jashtme që Trump zbatoi në mandatin e tij të parë, ai nuk mbështet luftërat në Lindjen e Mesme.
“Nuk mund ta mbështes me ndërgjegje të pastër luftën në vazhdim me Iranin. Irani nuk paraqiste asnjë kërcënim të menjëhershëm për vendin tonë dhe është e qartë se ne e nisëm këtë luftë për shkak të presionit nga Izraeli dhe lobit të tij të fuqishëm amerikan”, shkroi Kent./TetovaNews
