Kremlini njoftoi se presidenti rus Vladimir Putin dhe presidenti i Turqisë, Rexhep Tajip Erdoğan, do të zhvillojnë një takim në Bishkek.
Sipas deklaratës së Kremlinit, dy udhëheqësit do të takohen në margjinat e Samitit të Organizatës së Bashkëpunimit të Shangait (SCO).
Gjatë takimit pritet të diskutohen çështje rajonale, me theks të veçantë te zhvillimet në Detin e Zi dhe lufta në Ukrainë.
Erdoğan dhe Putin u takuan për herë të fundit më 1 shtator 2025, gjatë Samitit të SCO-së në Tianjin të Kinës.
Turqia u bë “partnere e dialogut” e Organizatës së Bashkëpunimit të Shangait në vitin 2012.
Pas Samitit të SCO-së të zhvilluar në Samarkand në vitin 2022, Erdoğan, duke folur për mundësinë e anëtarësimit të Turqisë në organizatë, deklaroi: “Ky është objektivi ynë”.
Në korrik të vitit 2024, ai deklaroi gjithashtu: “Synimi ynë është të bëhemi anëtar i përhershëm”.
Në Samitin e SCO-së në Tianjin në vitin 2025 u vendos që statuset “partner dialogu” dhe “vëzhgues” të bashkoheshin nën emërtimin e ri “Partner i SCO-së”.
Burimi: NTV
28 gusht 2026, ora 18:43
