Ballina Argëtim “Siri” i qenve zhvendoset në Skënderaj, komuna zotohet për masa ndaj organizatorëve

“Siri” i qenve zhvendoset në Skënderaj, komuna zotohet për masa ndaj organizatorëve

Pas Rahovecit, gara ilegale e përleshjes ndërmjet qenve është organizuar edhe në Skenderaj.

Në videon e cila është shpërndarë në grupin e dashamirëve të kafshëve në Facebook, shihet lufta mes dy qeneve, derisa përreth ka spektatorë të shumtë të cilët argëtohen me këtë keqtrajtim të tyre.

Kjo i ka shqetësuar mjaft shumë mbrojtësit e të drejtave të kafshëve.

Ky grup i ka bërë thirrje kreut të Skenderajt që të marrë vendim për parandalimin e keqtrajtimit të qeneve, sikurse e ka marrë ditë më parë kryetari i Rahovecit.

Në komunën e Skenderajt nuk janë në dijeni për zhvillimin e kësaj gare, por janë të gatshëm që të ndërmarrin masa nëse një gjë të tillë e kërkohet.

Në rrjetet sociale është organizuar peticion përmes së cilit i bëhet thirrje kryeministrit Ramush Haradinaj, Agjencisë së Ushqimit dhe Veterinës si dhe Policisë që ta ndalojnë këtë akt mizor.

Numri i atyre të cilët i janë përgjigjur pozitivisht kësaj nisme ka arritur në afër 21 mijë.

Artikulli paraprakDeklarata që tronditi Serbinë: Gruaja e Oliver Ivanoviqit është “femër djall”, argëtohet nëpër klube nate
Artikulli tjetër“Më dërgojnë video…”, Fjolla Morina flet për puthjet me vajzat