Holanda i është bashkuar Irlandës duke thënë se nuk do të marrë pjesë në Festivalin e Këngës Eurovision 2026 nëse Izraeli merr pjesë në këtë ngjarje, duke pasur parasysh shkallën e vuajtjeve në Rripin e Gazës, siç tha të premten transmetuesi publik holandez AvroTros.
Një ditë më parë, transmetuesi publik irlandez RTE tha se pjesëmarrja izraelite ishte ‘e paarsyeshme’ duke pasur parasysh ‘humbjen e tmerrshme të jetës në Gaza’.
AvroTros njoftoi se mori parasysh numrin e madh të gazetarëve të vrarë në Gaza kur vendosi të bojkotojë garën e vitit 2026, e cila u ndoq nga 166 milionë njerëz në televizion këtë vit, në rast se Izraeli merr pjesë në garë.
Claude – C’est La Vie (LIVE) | Netherlands | Grand Final | Eurovision 2025 www.youtube.com
Izraeli mohon se po i shënjestron qëllimisht gazetarët në enklavën bregdetare.
EBU diskuton pjesëmarrjen e Izraelit
Unioni Evropian i Transmetimeve (EBU), i cili organizon eventin, tha të enjten se e kuptonte ‘shqetësimin’ dhe po konsultohej me të gjithë anëtarët e EBU-së.
“Ne po vazhdojmë të angazhohemi me të gjithë anëtarët e EBU-së për të mbledhur pikëpamje se si të merremi me pjesëmarrjen dhe tensionet gjeopolitike që rrethojnë Festivalin e Këngës në Eurovision”, tha drejtori Martin Green në një deklaratë. /Telegrafi/
