Është ndarë nga jeta mësuesi i njohur nga rrethina e Tetovës, Burhanedin Isaku.Shkolla ku ka punuar ai i ka dedikuar një shkrim mbresëlënës dhe i ka shprehur ngushëllime familjes dhe atyre që e kanë njohur!
LAJM MORTOR
Të nderuar miq,kolegë,familjarë dhe qytetarë të fshatit Përshefcë me pikëllim të thellë morëm lajmin për vdekjen e ish mesimdhënësit tonë Burhanedin Isaku!
E rëndë është kjo ditë nëntori, kjo ditë që zbardhi me lajmin mortor, për ndarjen nga jeta të mësimdhënësit bashkëqytetarit shembullor, personalitetit të veçantë që dha kontribut të çmueshëm në arsim.
Buzëqeshja e tij, karakteri pozitiv, dinjiteti që rrezatonte, profesionalizmi e përkushtimi i rrallë, janë vetëm disa nga vlerat që shquan veprën e tij..
Mësuesi Burhanedin ishte i nderuar, i urtë e i dashur për të gjithë, lamtumira e tij , lë prapa veprën e pasur, trashëgimin e çmueshme, përkushtimin e pashoq për edukimin dhe arsimimin e gjeneratave në frymën kombëtare.
Me largimin nga kjo botë ,familja humbi njeriun e tyre të dashur,nxënësit mësuesin e buzëqeshur, kolektivi i shkollës kolegun zemërgjërë dhe banorët e fshatit birin e tyre që do ju mungojë gjithë jetën në rrugicat e lagjes.
Ngushëllime të sinqerta familjes së respektuar Isaku, miqve dhe kolegëve.
Prehu i qetë i dashur mësues të qoftë i lehtë dheu..!
